भोजपूरी फिल्म ‘प्रेम गीत २’मा रोमान्टिक शिल्पा

अभिनेत्री शिल्पा पोखरेल अभिनित भोजपूरी फिल्म ‘प्रेम गीत २’ को ट्रेलर सार्वजनिक भएको छ । बुधबार युट्युबमार्फत् सार्वजनिक गरिएको ट्रेलरमा शिल्पालाई रोमान्टिक गर्लको रुपमा प्रस्तुत गरिएको छ ।

शिल्पाले फिल्ममा भोजपुरी स्टार प्रदीप पान्डेसँग जोडी बाँधेकी छिन् । फिल्ममा प्रदीप ‘प्रेम’ र शिल्पा ‘गीत’ को भूमिकामा छन् ।

पोखरा आसपास खिचिएको फिल्मलाई सोनु खत्रीले निर्देशन गरेका हुन् । फिल्ममा प्रदीप र शिल्पाबाहेक अमित शुक्ला, रम्भा सहानी, रोहित सिंह, सिपी भट्ट, रन्जित कुमार शर्मा, रोहित थापाको अभिनय छ ।

सोनुकै लगानी रहेको फिल्ममा हरी घले लामाको छायांकन, बन्दे प्रसादको सम्पादन, श्री श्रेष्ठको द्वन्द्व, ओम झाको संगीत, कविराज गहतराज, शिव विक, रिकी गुप्ता, विवेक थापाको कोरियोग्राफी छ । फिल्मका प्रस्तुतकर्ता रत्न कुमार हुन् ।