५८ वर्ष लागे राजेश हमाल

नेपाली फिल्म क्षेत्रमा महानायक उपाधी पाएका अभिनेता राजेश हमाल ५८ वर्षमा लागेका छन् । जेठ २८ गते अर्थात् आज उनले आफ्नो आफ्नो जन्मदिन मनाउँदैछन् ।

राजेश आफ्नो उमेर खुलेर बताउँदैनन् । उनलाई कसैले उमेरको प्रश्न गर्‍यो भने २५ वर्ष पुगेको जवाफ दिन्छन् । उनी उमेर संख्या मात्र भएको बताउने गर्छन् ।

फिल्म ‘युगदेखि युगसम्म’बाट नेपाली फिल्म क्षेत्रमा प्रवेश गरेका राजेशले २ सय बढि फिल्म खेलेका छन् । कुनै समय एकछत्र राज जमाएका राजेशले धेरै हिट फिल्ममा समेत काम गरेका छन् । उनले अभिनय गरेको ‘देउता, साथी, अल्लारे, गाउँले, अजम्बरी नाता, ढुकढुकी, बसन्ती, हामी तिन भाई’ लगायत फिल्म हिटको सूचिमा छन् ।

कुनै समय राजेश हमालको पोष्टर राख्दा हलमा दर्शकको भीड लाग्थ्यो । तर पछिल्लो समय राजेशले केही फिल्मबाट असफलता भोगे । त्यसैले उनीले करिअरबाट ब्रेक लिए ।

अहिले पुन: राजेश ‘सत्यम’ नामक फिल्ममा काम गर्ने तयारीमा छन् ।