विश्वकपको दक्षिण अमेरिकी छनोटमा अर्जेन्टिनाको सहज जित

काठमाडौं । आगामी वर्ष कतारमा हुने विश्वकप फुटबलको दक्षिण अमेरिकी छनोटमा अर्जेन्टिनाले सहज जित हात पारेको छ ।

शुक्रबार बिहान भएको खेलमा दक्षिण अमेरिकी च्याम्पियन अर्जेन्टिनाले १० खेलाडीमा सीमित भेनेजुएलामाथि ३–० को जित हात पारेको हो ।

अर्जेन्टिनाको जितमा लौटारो मार्टिनेज, जोआक्विन कोरेया र एन्जल कोरेयाले एक एक गोल गरे । भेनेजुएलाका एफर्सन सोटेल्डोले एक गोल फर्काए ।

अर्जेन्टिनी कप्तान लियोनल मेस्सीलाई फउल गरेपछि लुइस मार्टिनेजले ३२औं मिनेटमा रातो कार्ड पाएपछि भेनेजुएला घरेलु मैदानमा १० खेलाडीमा सीमित भएको थियो ।

पहिलो हाफको इन्जुरी समयमा मार्टिनेजले गोल गर्दै अर्जेन्टिनालाई अग्रता दिलाएका थिए ।

जोआक्विनले ७१औं र एन्जनले ७४औं मिनेटमा गोल गर्दै अर्जेन्टिनालाई ३–० ले अगाडि बढाएका थिए । इन्जुरी समयमा भेनेजुएलाका सोटेल्डोले पेनाल्टीमा एक गोल फर्काए ।

छनोटमा चौथो जित हात पारेको अर्जेन्टिना ७ खेलमा १५ अंकसहित दोस्रो स्थानमा छ ।