देशभर थपिए ८३४ कोरोना संक्रमित, १२७९ जना भए निको

नेेपालमा पछिल्लो २४ घण्टामा थप ८३४ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालय अनुसार गत २४ घण्टामा १३ हजार ७३६ जनाको एन्टीजेन र पिसिआर विधिबाट परीक्षण गर्दा सो संख्यामा कोरोना भाइरसको संक्रमण पुष्टि भएको हो ।

उक्त अवधिमा थप १ हजार २७९ जना संक्रमित निको भएका छन् ।योसँगै कोरोनामुक्त हुनेको संख्या ७ लाख ६१ हजार १५४ पुगेको छ ।

पछिल्लो २४ घन्टामा कोरोना संक्रमणकै कारण थप ९ जनाको मृत्यु भएको छ । हालसम्म देशभर कुल ११ हजार ९६ जनाको कोरोनाबाट मृत्यु भइसकेको छ ।

हाल देशभर कोरोना भाइरसका सक्रिय संक्रमितहरुको संख्या १९ हजार १४२ रहेको मन्त्रालयले जनाएको छ ।