देशभर ९६८ संक्रमित थपिँदा १११४ जना भए कोरोनामुक्त, ६ को मृत्यु

पछिल्लो २४ घण्टामा देशभर ९६८ जना कोभिड–१९ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार १६ हजार ४२ वटा स्वाब नमुनाको पिसिआर तथा एन्टिजेन विधिबाट परीक्षण गर्दा ९६८ जनामा संक्रमण पुष्टि भएको हो ।

यो अवधिमा एक हजार ११४ जना संक्रमणमुक्त भएका छन् । योसँगै अहिलेसम्म कोरोना संक्रमणमुक्त हुनेको संख्या ७ लाख ७१ हजार ३३८ पुगेको छ ।

पछिल्लो २४ घण्टामा कोभिड–१९ का ६ जनाको मृत्यु पुष्टि भएको छ । योसँगै नेपालमा कोभिड संक्रमणका कारण मृत्यु हुनेको संख्या ११ हजार १८० पुगेको छ ।

हाल नेपालमा कोरोनाका सक्रिय संक्रमितको संख्या १६ हजार २४८ रहेको स्वास्थ्य तथा जनसंख्या मन्त्रालयले मंगलबार जनाएको छ ।