देशभर थपिए १०४३ कोरोना संक्रमित, १२ जनाको मृत्यु

नेपालमा पछिल्लो २४ घण्टामा थप एक हजार ४३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पिसिआर परीक्षणमा आठ सय ४९ र एन्टिजेन परीक्षणमा एक ९४ जनामा संक्रमण देखिएको हो ।

यो अवधिमा ११ हजार एक सय ६५ जनाको पिसिआर परीक्षण र चार हजार तीन सयजनाको एन्टिजेन परीक्षण गरिएको थियो ।

हाल देशभर १६ हजार एक सय ९४ जना सक्रिय संक्रमित रहेका छन् । बुधबार आठ सय ९१ जना कोरोना संक्रमणमुक्त भएका छन् । योसँगै कोरोना संक्रमणमुक्त हुनेको संख्या ७ लाख ७२ हजार २२९ पुगेको छ ।

पछिल्लो २४ घन्टामा १२ जना संक्रमितको मृत्यु भएको छ । योसँगै देशभर हालसम्म कोरोनाका मृत्यु हुने संक्रमितको संख्या ११ हजार एक सय ९२ पुगेको छ ।