देशभर ७६४ संक्रमित थपिँदा १०३३ भए निको, थप १० जनाको मृत्यु

नेपालमा पछिल्लो २४ घण्टामा ७६४ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार १० हजार ६८८ वटा नमुनाको पिसिआर तथा एन्टिजेन विधिबाट परीक्षण गर्दा सो संख्यामा संक्रमित भेटिएका हुन् ।

नेपालमा आज एक हजार ३३ जना संक्रमणमुक्त भएका छन् । योसँग अहिलेसम्म कोरोना संक्रमणमुक्त हुनेको संख्या ७ लाख ७४ हजार १७३ पुगेको छ ।

त्यस्तै, आज कोरोनाका कारण थप १० जनाको मृत्यु भएको छ । योसँगै नेपालमा कोरोना संक्रमणका कारण मृत्यु हुनेको संख्या ११ हजार २१० पुगेको मन्त्रालयले जनाएको छ ।

नेपालमा सक्रिय संक्रमितको संख्या १५ हजार ६१४ पुगेको छ।