देशभर थपिए ७६० कोरोना संक्रमित, ११ जनाको मृत्युु

नेपालमा थप ७६० जनामा कोरोना भाइरसको संक्रमण पुष्टि भएको छ ।

जनसंख्या मन्त्रालयका अनुसार पछिल्लो २४ घण्टामा १२ हजार ३१ जनाको पिसिआर तथा एन्टिजेन विधिबाट परीक्षण गर्दा सो संख्यामा संक्रमित थपिएका हुन् ।

यस्तै, पछिल्लो २४ घण्टामा कोरोना संक्रमणबाट ११ जनाको मृत्यु भएको छ । योसँगै देशभर कोरोनाबाट मृत्यु हुनेको संख्या ११ हजार २२१ पुगेको छ ।

देशभरबाट आज ८९९ जना निको भएको मन्त्रालयले जनाएको छ । यसैगरी कोरोना संक्रमणमुक्त हुनेको संख्या ७ लाख ७५ हजार ७२ पुगेको छ । कोरोनाबाट निको हुनेदर ९६.७ प्रतिशत छ ।

नेपालमा हाल १५ हजार ३४० जना सक्रिय संक्रमित छन् ।