बुटवलमा आज पनि कर्फ्यू

प्रहरी र सुकुम्बासीबीचको झडपमा चार जनाको मृत्यु भएको बुटवलमा आज पनि कर्फ्यू जारी रहेको छ ।
रुपन्देहीका प्रमुख जिल्ला अधिकारी ऋषिराज तिवारी आइतबार अपराह्न ४ बजेदेखि लागू भएको कर्फ्यू आज पनि जारी रहेको हो ।

जिल्ला प्रशासनले अर्को आदेश नभएसम्मका लागि आइतबार अपराह्नदेखि पूर्वमा तिनाउ नदी, पश्चिममा हरिहरपुर, उत्तरमा शिवनगर रानीगञ्ज र दक्षिणमा धन्दापुर सौरहियासम्म कर्फ्यू लगाइएको छ ।

निर्माणाधीन मोतीपुर औद्योगिक क्षेत्रमा बसेका सुकुम्बासीलाई हटाउने क्रममा आइतबार छडप हुँदा प्रहरीले चलाएको गोली लागेर चार जनाको मृत्यु भएको थियो ।

झडपमा परी घाइते भएका ५० जना प्रहरी र सुकुम्बासीको उपचार भइरहेको जिल्ला प्रहरी कार्यालयले जनाएको छ ।